Мемлекет басшысының «Цифрлық трансформация дәуіріндегі Қазақстан: жасанды интеллект пен инновацияларды дамыту» атты Қазақстан халқына Жолдауында берілген тапсырмаларды жүзеге асыру, сондай-ақ «Цифрландыру және жасанды интеллект жылы» аясындағы іс-шаралар жоспарын орындау мақсатында «Алматы технологиялық-экономикалық колледжі» ЖШС-де білім беру үдерісін цифрлық трансформациялау стратегиясы кезең-кезеңімен енгізілуде.

Колледж жасанды интеллектті тек теориялық тұрғыда оқытудан оны тәжірибеде тиімді қолдану кезеңіне көшуде. Оқу үдерісінде заманауи ЖИ құралдары кеңінен пайдаланылуда:

• ChatGPT — оқу тақырыптарын түсіндіру, тапсырмалар дайындау және студенттерге кеңес беру үшін;
• QuillBot — мәтіндерді қайта өңдеу, академиялық жазу дағдыларын дамыту үшін;
• Canva — презентациялар, инфографикалар және көрнекі оқу материалдарын әзірлеу үшін;
• Quizizz — интерактивті тесттер өткізу және білімді ойын форматында бағалау үшін;
• Synthesia — виртуалды дикторлар арқылы оқыту бейнематериалдарын жасау үшін;
• Claude AI — мәтіндерді талдау, құжаттармен жұмыс істеу және оқу материалдарын дайындау үшін.

Аталған технологияларды енгізу білім сапасын арттыруға, цифрлық құзыреттіліктерді дамытуға және цифрлық экономика талаптарына сай бәсекеге қабілетті мамандар даярлауға мүмкіндік береді.