Колледждегі тәрбие жұмысы Қазақстан Республикасының “Білім туралы” Заңына, “Қазақстан Республикасының білім беру ұйымдарындағы тәрбие жұмысының кешенді бағдарламасына”, “ Мемлекеттік жастар саясаты туралы”заңына, колледждің жыл бойына арналған бірыңғай тәрбие жұмысының жоспарына, колледждегі тәрбие жұмыстарын дамытудың негізгі бағыттарын көрсететін оқу топтарындағы кураторлардың тәрбие жұмыстарының жоспарларына негізделген.
Тәрбие жұмысының мақсаты – білім алушыларды Қазақстан Республикасының азаматы ретінде терең кәсіби білім мен дағдыларға ие, қоғамның рухани құндылықтары мен дәстүрлерін, адамгершілік негіздері мен қағидаларын құрметтейтін жеке тұлға ретінде жан-жақты дамыту.
Тәрбие жұмыстарының міндеті:
- Білім алушыларды адамгершілік қағидалары негізінде тәрбиелеу;
- Білім алушыларды жалпыадамзаттың құндылықтармен, ұлттық және академиялық дәстүрлермен таныстыру, кәсіби адалдық мен этика рухына тәрбиелеу;
- Білім алушыларды салауатты өмір салтына деген жеке қажеттіліктеріне, табиғи және мәдени-әлеуметтік ортамен қарым-қатынаста жауапкершілік танытуға тәрбиелеу;
Колледждегі тәрбие жұмыстарының негізгі бағыттары:
- Білім алушыларды ұйымдастыру жұмыстары;
- Білім алушыларға азаматтық-патриоттық тәрбие беру;
- Білім алушыларды рухани-адамгершілікке тәрбиелеу;
- Құқықтық тәрбие, кәмелетке толмаған білім алушылар арасындағы құқық бұзушылықтың алдын алу;
- Білім алушылардың салауатты өмір салты;
- Білім алушылардың мәдени-эстетикалық тәрбиесі;
- Білім алушыларға әлеуметтік-психологиялық көмек көрсету.
